WhatsappNOLA LORTU BEZEROAK POZIK EGOTEA ETA AIPAMEN POSITIBOAK IZATEA
Zalantzarik gabe, sareetan egotea oso garrantzitsua da negozioa hedatzeko prozesuan. Sareetako eta komunikabideetako iragarkiek emaitza onak ekar ditzakete. Hala ere, publizitaterik egin beharrik gabe ere, funtsezkoa da bezeroen gogobetetasuna berresteko. Hori dela eta, bezeroak pozik egotea oso garrantzitsua da. Izan ere, ziurrenik, saltokira itzuliko dira eta, agian, aipamen positiboa ere egingo diote negozioari.
Batzuetan zaila egiten zaigu izan dugun esperientziari buruz idaztea, bezeroek ez dute zertan eman negozioarentzako hain baliotsua den feedback hori. Bezeroari sareetan iruzkin bat idazteko edo gogobetetze galdetegi bat betetzeko eskatzeko aukerarik izanez gero, ez izan zalantzarik. Hala ere, kontuz ibili, batzuetan bezeroak egin nahi ez duen ahalegina baita, eta hori ere errespetatu behar da. Hortaz, aipamenak egitera animatu bai, baina astuna izan gabe. Iruzkinak idatziko dituzte, eta kontuz ibili behar da akatsik ez egiteko.
Era guztietako aipamenak daude. Baliotsuenak produktuaren edo esperientziaren xehetasunak ematen dituztenak dira, adibidez: “Jertsea asko gustatzen zait, lanera joateko eta lagunekin irteteko erabil dezaket eta.” Informazio hori oso baliotsua da saltokiarentzat bai eta etorkizuneko bezeroentzako ere. Aurreko aipamen hori “Jertsea % 100 gomendagarria da” aipamena baino askoz ere hobea da. Lehenengoan, produktua ezagutu daiteke. Oso garrantzitsua da, beti, iruzkinak eta aipamenak eskertzea. Aipamena oso positiboa ez denean ere jardun behar da. Kritikei erantzuteko, hobetzeko eta bezeroa pozik ez geratzea eragin zuen edozer gauza konpontzeko prestutasuna erakutsi behar da. Idatziz erantzun daiteke edo eskaintzen den produktua edo zerbitzua alda daiteke.
Kritika bat erabat mingarria bada eta, argi eta garbi, laguntzeko asmorik ez badu (hala nola, “zuen produktu guztiak zabor hutsa dira”), adeitasunez erantzun daiteke, garrantzirik eman gabe (“eskerrik asko gure produktua baloratzeagatik” edo “datu gehiago eman ahal dizkiguzu?”). Bigarren aukera horren bidez, hobetzeko prestutasuna erakusteaz gain, litekeena da, gainerako bezeroek ikustea kritika idatzi duena ez dela bezero bat, izan ere, kritika suntsitzaile bat ez da oinarritzen erostean izandako esperientzia.
Aipamenak alde batera utzita, sareetan nabarmentzeko beste alderdi garrantzitsuak ere badaude. Ahalik eta xehetasun gehien eman behar dira produktuen eta zerbitzuen inguruan, gainerako sareetako lehiakideetatik bereizteko. Horrek prezioa ere barne hartzen du, ez soilik produktuaren edo zerbitzuaren xehetasunak, gerora arazorik ez egoteko. Bezeroek informazioa gustuko dute, erosteko orduan inoiz ez da nahikoa informazio.
