TOKIKO NEGOZIOEN ERAKUSLEIHOAK DINAMIZATZEKO PROIEKTUA

Getxoko Udalak finantzatutako proiektu honen bidez, jarduerak ikustera joaten diren oinezkoen eta/edo bezeroen arreta erakarri nahi da, haien jarduera ekonomikoa sustatuz eta bultzatuz.

Ekimen hau iraupen laburreko antzerki-ikuskizunak egitean datza. Koreografia baten bidez, aktore profesionalek istorio bat kontatzen diote publikoari, parte hartzen duen establezimendu bakoitzean eskaintzen dituzten produktuak eta/edo zerbitzuak ezagutarazteko. Pieza dramaturgikoak proiektuan parte hartzen duen negozio bakoitzerako pertsonalizatuak dira, baina guztiek dinamika eta “egiteko modu” bera dute.

Emanaldiak azaroaren 13ko eta 20ko asteetan izango dira, ostegun, ostiral eta larunbatean. Parte hartzen duen establezimendu bakoitzaren erakusleihoan edo kanpotik ikus daitekeen gune batean egiten den antzerki-emanaldi bakoitzerako, ekintza behar bezala garatzeko beharrezkoak diren jantziak, attrezzoa, baliabide tekniko materialak eta giza baliabideak daude.

Era berean, profesional talde batek parte hartzen duten establezimenduetan egindako jarduera bakoitzaren bideoak grabatu eta editatzen ditu, eta horiek kanal digitalen bidez zabaltzen dira, Getxoko negozioak sustatzeko eta haien garrantziaz eta horietan erosi eta kontsumitzeko beharraz jabetzeko. Gainera, materiala proiektuan parte hartzen duten negozioen eskura jartzen da, beren komunikazio-kanaletan erabil dezaten.

Ekimenean parte hartu nahi duten saltokiei, ostalaritzako negozioei eta tokiko zerbitzuetako negozioei, gure elkartean sartuta egon zein ez, 2023/10/19ra arte egin dakieke.

ESTABLEZIMENDU PARTE-HARTZAILEAK