Bota Bertso “proiektua Getxoko negozioetan

Ekimen honen helburua da bertan parte hartzen duten negozioetako ibiltariak eta bezeroak erakartzea eta harritzea, bertako negozio txikiekin bertsoa lotzen duen eta ALBEren (Algortako Bertsolari Eskola) eta Getxoko Udalaren laguntzarekin egiten dugun jarduera sortzaile honen bitartez. Era berean, proiektuaren bidez, jarduerak egingo diren udalerriko kaleei bizia ematen zaie.

Hauek dira proiektuaren ezaugarri nagusiak:

• Bertsolariek bertsoak errezitatzen dituzte proiektuan parte hartzen duten negozioetako establezimenduetan, negozio bakoitzak nabarmendu nahi dituen alderdi, bertute eta ezaugarri bereizgarriak aipatuz.
• Jarduerak pertsonalizatuak dira proiektuan parte hartzen duen negozio bakoitzerako, baina guztiek dinamika eta ‘egiteko modu’ berari jarraitzen diote, publikoarentzat erakargarriak izan daitezen. Gainera, programa bat egiten da, eta, bertan, negozio parte-hartzaileak eta jarduketen ordutegiak ezartzen dira, eta ibilbideak zehazten dira, jendeak horiek ikus ditzan.

• Bertsolarien emanaldiak irailaren bigarren hamabostaldian egiten dira, parte hartzen duten establezimendu bakoitzean 30 minutu inguruko iraupenarekin.

• Erakusleihoaren edo sarrerako atearen aurrean edo establezimenduaren barruan egiten diren jarduketetarako, beharrezko baliabide teknikoak eta materialak daude, jarduera bakoitza behar bezala garatzen dela bermatzeko.

• Profesional-talde batek parte hartzen duten establezimenduetan egindako jarduera bakoitzaren bideoak grabatu eta editatzen ditu, eta kanal digitalen bidez zabaltzen dira. Gainera, proiektuan parte hartzen duten negozioen eskura dago materiala, beren komunikazio-kanaletan ere erabil dezaten.

Gehienez ere, udalerriko 15 saltokik, zerbitzu-establezimenduk eta ostalarik har dezakete parte proiektuan. Proiektuan parte hartu nahi baduzu, bete formulario hau uztailaren 22a baino lehen.

Bazkideen mapa

Mapa honetan aurkituko dituzu Getxo Enpresako kide diren enpresa guzti-guztiak

Ikusi bazkideen mapa >