ZIBERSEGURTSUNA: ALDERANTZIZKO BIZUMAREN IRUZURRA

Iruzur-mota honen aliatu nagusiak engainua eta nahastea dira. Bizum-eragiketa ohiko batean pertsona batek dirua bidaltzen dio beste bati. Iruzur honetan, aldiz, iruzurgileak diru-eskaera bat bidaltzen du ordainketa baten ordez.

Normalean, “saltokiz edo salerosketa-plataformaz mozorrotu” ohi dira.

Biktima diru-sarrera bat onartzen ari dela pentsatzen ari da, baina egiaz iruzurgileari dirua bidaltzeko baimena ematen ari da, horrek diru-eskaera bat bidali du-eta. Eragiketa zehaztasunak ondo berrikusi gabe berrestean, zehaztutako-kopurua galtzen da eta ezin da erraz berreskuratu.

Alarma-seinaleak:

• • Salerosketa-plataforma baten bidez harremanetan jartzen badira, gomendagarria da pertsona horren informazioa, antzinatasuna eta jarduerak webguneko bere erabiltzaile-profilean egiaztatzea.
  • Plataformak edo pertsonak behin eta berriz esaten badu Bizum bat onartzeko xehetasunak berrikusi gabe, eta presa edo beste aitzakiaren bat adierazten badu zu presionatzeko.
  • Mezu arraroak edo gaizki egituratuak.
  • Eskaintza onegiak dituzten zenbaki ezezagunen bidez harremanetan jartzea.

Prebentzio-neurriak:

• • Ezer sakatu baino lehen, beti berrikusi behar da diru-sarrera bat den edo, aitzitik, ordainketa-eskaera bat den.
  • Plataforma/saltokia edo pertsona ezaguna bada eta Bizum bidez dirua eskatzen badu, bere nortasuna berretsi behar da beste bitarteko baten bidez, hala nola dei baten bidez, saltoki hori ordezten egon baitaiteke.
  • Bizum-transakzio baten onuradun izateko ez da beharrezkoa inolako ekintzarik egitea, dirua zure kontura iritsiko da izapide gehigarririk gabe.
  • Ez fidatu eskaintza onegiekin.
  • Zure banku-aplikazioan alertak konfiguratu edozein mugimenduri buruzko jakinarazpenak jasotzeko eta, ahal bada, faktore bikoitzeko autentifikazio-sistema aktibatzeko.https://www.incibe.es/ciudadania/tematicas/contrasenas-seguras/autenticacion-de-dos-factores2FA INCIBE Gaia
  • Ez onartu saltokien, plataformen edo pertsona ezezagunen diru-eskaerak.