V. EDIZIOA: HOBETU ZURE ONLINE IRUDIA KALITATEZKO EDUKIA SORTU

Ezaugarri nagusiak:

Proiektu honen helburua parte hartzen duten establezimenduei kalitate handiko eta bereizgarriak diren argazkiak eskaintzea da, haien online irudia berritzeko eta modernizatzeko aukera emanez, bai banaka bai Getxoko merkataritza osoaren ikuspegitik.

Proiektuan parte hartzeak honako hau suposatzen du:

• Enpresa hornitzailearekin batera negozioaren beharrak zehaztea eta argazki-saioaren xehetasunak adostea.

• Banakako argazki-saioa egitea; bertatik gutxi gorabehera 10 irudi publizitario aterako dira. Irudi horiek produktuak edo eskaintzen diren zerbitzuak, irudi korporatiboa eta antzekoak irudikatu ditzakete.

• Irudien entregatzea: eragin publizitario handiena duten argazkiak aukeratu eta errebelatu ondoren, negozio bakoitzak dituen euskarri digitaletan erabili ahal izateko.

• ‘ASIER GOMEZ STUDIO’ izango da zerbitzua emateaz arduratuko dena, aurreko edizioetan parte hartu zuten establezimenduen balorazio positiboak kontuan hartuta (adibideak eskuragarri: www.getxoenpresa.com) eta argazkiak modu egokienean erabil daitezen laguntza eskainiko du.

• Proiektuan parte hartzen duten negozioak eta ekimena ezagutarazteko online komunikazio-kanpaina bat egingo dugu, herritarren eta bisitarien artean zabaltzeko asmoz.

Parte-hartzea:

Proiektuan parte har dezakete txikizkako merkataritzako establezimenduek eta zerbitzu-enpresa batzuek (edertasun-zerbitzuak, ile-apaindegiak, garbitegiak eta argazkigintzari eskainitako establezimenduak), proiektua finantzatzen duen Eusko Jaurlaritzaren laguntza-programaren arabera.

Proiektuan parte har dezaketen negozio kopurua gehienez 10 izango da, eta aurreko edizioetan parte hartu ez zutenek izango dute lehentasuna.

Proiektuan parte hartzearen kostua: 180 euro + %21 BEZ.