BIZKAIA REPARA BONUAK

Onuradunak:

“Bizkaia Repara” kanpainarekin bat egin ahal izango dute zerga-egoitza Bizkaian duten eta EJZren epigrafe hauetan sartuta dauden establezimenduek:

656. Ondasun erabilien txikizkako merkataritza, hala nola altzariak, jantziak eta etxean erabiltzeko tresna arruntak.
691.1 Etxerako gai elektrikoak konpontzea.
1/699 Bestelako konponketak.
971.3 Arropa zuritu eta konpontzea.

Epigrafe horietakoren batean Bonua inskribatzeko epean (2026/10/06 arte) alta ematen duten establezimenduak ere onartuko dira.

Konponketa-zerbitzuak:

• Kanpaina honetan honako konponketa-zerbitzu hauek eskain daitezke:

  – Etxean erabiltzeko altzariak, jantziak eta/edo tresna arruntak konpontzea.

  – Ehungintza eta osagarria konpontzea.

  – Etxetresna elektrikoak eta etxerako eta lorategirako ekipoak konpontzea.

  – Etxean erabiltzeko ordenagailuak eta periferikoak konpontzea.

  – Oinetakoak eta larruzko gaiak konpontzea.

  – Altzariak eta etxeko gauzak konpontzea.

  – Etxean erabiltzeko komunikazio-ekipoak konpontzea.

  – Etxean erabiltzeko audio, argazki eta bideoko aparatu elektronikoak konpontzea.

  – Erlojuak eta bitxiak konpontzea.

  – Beste gauza pertsonal batzuk eta etxean erabiltzeko gaiak konpontzea.

• Kanpoan geratzen dira jantzi edo gai berriak saltzea, aldatzea edo egokitzea, saiakuntzakoak ez diren piezak ordezkatzea eta kontsumigarriak direnak. Era berean, ez da diruz lagunduko makinak, osagai industrialak, ibilgailu motordunak edo bizikletak saltzea edo konpontzea, ezta etxea eraberritzeko edo konpontzeko lanak edo oinarrietan jasota ez dagoen beste edozein jarduketa ere.

Beste ezaugarri batzuk:

• Truke-sistema bat ezarri da, eta, horren bidez, herritarrek 10 euroko deskontu-bonuak erosi ahal izango dituzte. Deskontu horiek konponketa gisa egindako salmentako 20 €bakoitzeko trukatu ahal izango dira. Eragiketen erregistroa aplikazio informatiko baten bidez egingo da.
• Bizkaian bizi den 16 urtetik gorako pertsona bakoitzak gehienez 5 deskontu-bonu jaso ahal izango ditu, eta establezimendu batean edo gehiagotan trukatu ahal izango ditu. Bezeroek zuzenean eskatuko dituzte deskontuak atxikitako establezimenduan.
• Bonuak hiru hilabetez jarriko dira bezeroen eskura, dirulaguntzaren ebazpena argitaratu ondoren.
• Bezeroei ez zaie inolaz ere eskudirutan itzuliko erosketaren eta bonuaren balioaren arteko aldea.

Zer egin behar du atxikitako establezimenduak?

• Erosketaren faktura edo tiketa sinplikatua edo bezeroari ematea. Bertan, ordaintzeko modua adierazi beharko da, eta bonuarekin egiten den ordainketaren zatia zehaztu beharko da.
• Tiketaren edo justifikazio-fakturaren kopia bat gordetzea, NANaren zenbakia eta erosketan trukatutako bonuen kopurua adierazita. Dokumentu horiek egiaztatu eta kontrolatu arte gorde beharko dira.
• Gainera, establezimendu fisikoetan edo beste hedapen-kanal digital batzuetan ikusgai jarri beharko du kanpainaren publizitate-materiala.

Eskatutako dokumentazioa:

• Eskaera-inprimakia.
• EJZren ziurtagiria.
• Gizarte Segurantzarekiko betebeharrak egunean dituela adierazten duen erantzukizunpeko adierazpena.
• Zerga-betebeharrak egunean dituela adierazten duen erantzukizunpeko adierazpena.
• Banku-kontuaren titulartasun-ziurtagiria.

Eskaera bakarra aurkeztuko da. Pertsona fisikoa edo juridikoa hainbat establezimenduren titularra bada, establezimendu bakoitzeko eskaera independente bat aurkeztu beharko du.

“Bizkaia Repara” saioaren aurreko edizioetan parte hartu baduzu, ez da beharrezkoa izango dokumentazioa berriro aurkeztea, datuak aldatu ez badira.