Bazkideen baterako sustapena sare sozialen bidez - Getxo Enpresa

Bazkideen baterako sustapena sare sozialen bidez

Martxoaren 1etik abenduaren 1era arte, elkartea osatzen duten enpresak sare sozialen bidez sustatuko dira. Baterako kanpaina zehatzak egingo dira horretarako; izan ere, horiek bezero edo erabiltzaileengan interes handiagoa sorrarazten dute.

Elkarteko sare sozialen bidez enpresak sustatzeko zerbitzua kontratatzeko epea ireki da; horrenbestez, Shopping Getxon barrena izeneko ekimenen segida abiatuko da, urtean zehar egingo diren sei sustapen kanpainatan zatituta egongo dena.

Zerbitzua kontratatzen duten enpresen zabalkunde handia egingo da kanpaina bakoitzean, eta behin eta berriz egingo dira argitalpenak sare sozialetan. Gainera, material grafikoa (bideoa) eskuratu ahal izango dute enpresek, bakoitzak bere bitartekoekin ere zabaldu ahal izateko.

Lehenengo kanpaina martxoan zabalduko da, eta gaia honako hau izango da: “Menuei buruzko gomendioak, anfitrioirik onena izan zaitezen”.

×
×