ARRETA BEREGANATU ETA JENDEA ERAKARTZEN DUTEN ERAKUSLEIHOAK EGITEKO GIDA

Denda batera sartu aurretik, kontsumitzaile askok jasotzen duten lehen inpaktu bisuala hartzen dute kontuan: erakusleihoa. Beraz, funtsezkoa da dekorazioan ahalegintzea. Tokiko saltokiek arreta jarri behar dute beren erakusleihoetan, eta erakusleihoek dendan sartzea edo ez sartzea erabakitzeko bezeroengan duten eraginean.

Erakusleihoen aurkezpenak establezimenduaren nortasuna islatzen du. Inbertitzen den denbora eta ahalegina leihoaren beste aldetik hautemango dute bezeroek. Beraz, diseinua ondo antolatuz eta aukeratuz gero, bezero berrien baita balizko bezeroen arreta erakartzea lortuko da.

Are gehiago, ez da beharrezkoa diseinatzaile izatea, ezta profesional bat kontratatzeko aurrekontu handia izatea ere. Irudimena askatu besterik ez da egin behar, oharkabean igaroko ez diren erakusleihoak prestatu ahal izateko.

Horretarako, erakusleihoaren irudi ona emateko hainbat aholku ematen dira jarraian:

• Erakusleihoa kontzeptualizatzerako orduan, baliagarria da aukeratutako girotzearekin zerikusia duen istorio bat sortzea. Urteroko ospakizunak gerturatzen direnean, hala nola, Gabonak, Halloween edo San Valentin, kolorezko paleta berberak erabil daitezke apaintzeko. Erakusleihoek joko asko eman dezakete; horregatik, horietan konposizioak sortzea aukera ona izan daiteke berritzeko eta besteekiko desberdina izateko. Honek oinezkoen arreta erakarriko du, xehetasun guztiak arretaz begiratuko baitituzte eta, seguraski, sartzera bultzatuko ditu.
• Era berean, garrantzitsua da eskuragarri dagoen espazioa kontuan hartzea eta erakutsiko diren objektuen kopurua hautatzea, hutsegi eta kargatuegi egon ez dadin. Erakusleiho bat muntatzean akats komun bat dendako sektore guztietako produktuak erakustea da; horregatik, garrantzitsua da soilik adierazgarriak diren edo une horretan nabarmendu nahi diren produktuak aukeratzea. Horrela, erakusleihoa argiago eta erakargarriago ikusiko da, ikusleen sartzeko jakin-mina piztuz.
• Erakusleihoa apaintzen amaitu ondoren, garrantzitsua da dendatik irtetea eta angelu guztietatik dena behar bezala geratu dela egiaztatzea, bai kokalekua, bai koloreak, bai argiztapena, eta abar. Jartzen diezun arreta eta mimoa kristalen bidez hautemango da.
• Azkenik, azpimarratu behar da gomendagarria dela erakusleihoko dekorazio bera ez uztea hilabeteetan. Dekorazioa ongi geratu bada ere, egunero negozioen aurretik pasatzen direnak nekatu egingo dira hura ikusteaz. Erakusleiho batek askotariko produktuak eskaini behar ditu, eta, horrela, dendaren barruan zer ikusi gehiago dagoela adierazten da.